Элгээ хэрхэн зөв цэвэрлэх вэ

Геннадий Малахов

Элгээ цэвэрлэхээс хэдэн өдрийн өмнөөс бие организмаа "зөөллөх" хэрэгтэй.
Үүнийг халуун ваннд эсвэл ууранд суух маягаар хийнэ. Хамгийн гол нь энэ бүхний дараа та биеэ сулласан, бие организм усаар ханасан, биеээ халсан байхыг мэдрэх нь чухал. Хуурай арьстай хатингар хүмүүс халуун ваннд, мариалаг тарган хүмүүс хуурай саунд, бусад нь ууранд суух нь илүү зохимжтой. Үргэлжлэх хугацаа нь 5-25 минут байна. Энэ заслыг заавал богино хугацааны /5-10 секунд/ хүйтэн шүршүүрээр дуусгана. Эсвэл хувингаар хүйтэн ус дээрээсээ асгаж болно. Дасгалыг /заслыг/ 3-5, түүнээс ч илүү хийж болно. Үүнийг биеийн байдлаас хамаараад өдөрт нэг, эсвэл өнжөөд нэг хийнэ. Тос хэрэглэх нь биеийг сайн суллах, өөрөөр хэлбэл зөөлрүүлэхэд их нэмэртэй. Өглөөдөө 20 грамм хайлуулсан шар тосоор тослоод, өдөртөө бага зэргийн шар тостой эсвэл оливийн тостой массаж хийнэ. Дараа нь бүлээн шүршүүрт савангүйгээр угаана. Тарган, тослог арьстай хүмүүст энэ шаардлагагүй, жаахан гүйж биеээ халаагаад хөлсөөрөө шаараа /шлак/ гаргах нь тохирно.
Энэ бүхнийг элгээ цэвэрлэхээс өмнө хийх хэрэгтэй. Үүний дүнд цөс илүү шингэрч, билирубиний чулуу хайлж, эд эс илүү уян болж, цөсний цорго нээгдсэнээр таны бэлтгэл дуусна.

Элэг цэвэрлэх хамгийн үр дүнтэй арга бол оливийн тос /чидун жимсний тос/, лимоны хүчил ашиглан цэвэрлэх арга юм. Туршлагаас үзвэл оливийн тосыг наранцэцгийн тосоор, лимоны хүчлийг исгэлэн амттай шүүсээр / чацаргана гм/ сольж болно.
Нэг удаагийн цэвэрлэгээнд 100-200 грамм тос, мөн тийм хэмжээний шүүс хангалттай.

Цэвэрлэгээний ажлаа оройн 19-20 цагийн орчимд эхлээрэй. Нэг нь тостой, нөгөө нь шүүстэй 2 стакан бэлдсэн байна. Тосноос 1-2 балгаад, шүүснээс төдий чинээ балгыг уугаарай. 15-20 минутын дараа, дотор эвгүй оргихгүй бол дахин давтаад 15-20 минут хүлээнэ. Ийм маягаар тос шүүсээ дуустал ууна. Дараа нь элгэн дээрээ халуун жин тавиад амарна. Туршлагаас үзвэл элэг хэр сайн хална, үр дүн нь төдий чинээ сайн. Иймд халуун жинг бүтэн шөнөжин, маргааш өдөр нь ч тавина.

Болгоомжлох нь: Хэрвээ та тос балгасны дараа дотор эвгүй оргивол зүгээр болтол нь хүлээж, гайгүй болвол дахин давтана. Хугацаа уртсах нь тийм ч муу биш харин ч тустай. Хэрвээ дотор гайгүй болохгүй бол уусан хэмжээгээрээ хязгаарла, энэ хангалттай.

Тос шүүсээ ууж дууссанаас 2 цаг орчмын дараагаас 2 өвдөг дээрээ сөхөрч суугаад амандаа халуун чинжүү зууж, хамрынхаа зүүн нүхийг хөвөнгөөр бөглөн, баруун талын нүхээр зөөлөн удаан амьсгална. Ийм байдлаар 30 удаа амьсгалах ба элгээ улайссан гэж сэтгэ. Энэ нь эрчмийг ихэсгэж, биеийн дулааныг нэмэгдүүлнэ.

24 цагаас хойш, өглөөгүүр гүйлгэж эхлэхэд чулуунууд гадагшилж эхэлнэ. Их гүйлгэх нь цэвэрлэгээ сайн болж байгаагийн шинж, санаа бүү зовогтун. Элэгний цэвэрлэгээний дараах хэтэрхий их гүйлгэхийг зогсоохын тулд будаа, чанасан төмс иднэ. Энэ нь гүйлгэхийг зогсооно.

Г.П.Малаховын “Оздровительные советы на каждый день 1999” номны 64, 65 дугаар хуудаснаас орчуулав.

Эхнэрийн маань хэлж байгаагаар өглөө оройдоо халуун устай онгоцонд хэвтэж, нэг удаа лимонтой усаар бургуй тавьж байсан, Шар тос энэ тэр хэрэглээгүй, цэвэрлэгээ дууссаны дараа өглөөний цайнд лууван, алимны шүүс уусан гэнээ. 4 ширхэг нимбэг байхад шүүс нь 1 стакан болдог гэсэн.

Алсад суугаа анд маань 3 сарын 2-ны өдрийг дагийн түвшин сайн өдөр хэмээгээд эхнэрийн хамт элгээ цэвэрлэхээр шийдсэнээ дуулгав. Миний хувьд энэ өдөр эхлэвэл суулгах туулгах өдөр нь амралтын өдөр таарна гэж бодсон. Цэвэрлэгээний үед архи тамхийг цээрлэнэ гэв. Мартыг л "мартах" юмдаа.

Элгээ цэвэрлэх үү?

Что такое чистка печени

• Үүнийг хийх шаардлагатай юу?

• Аюултай юу?

30-40 насанд элэгний эсийн 50-60% нь хог шаараар дүүрч /шлак/ жагсаалаас гардаг нь тогтоогджээ. Ингэснээр элгээр дамжих цусны эргэлт ихэд хүндэрдэг байна. Хураагуур судасны цус нь рентгэнд сайн харагддаг холбоосуудаар тойрч эхэлнэ. Энэ нь бөгсөн биеийн /хүйснээс хөлийн ул хүртэлх/ цусны эргэлтийн зогсонгошил, цус бүрэн шүүгдэж цэвэрлэгдэхгүй байх гэсэн 2 янзын эмгэг үүсгэдэг.

Үүнтэй холбоотойгоор хэвлийн хөндийн эрхтнүүдийн /гэдэс, ходоод, нойр булчирхай гм/ цусан хангамж удааширч, эдгээр эрхтнүүд хэвийн ажиллагаа нь алдагдаж, доройтдог. Үр дүнг нь гайхах юмгүй, нас ахих тусам хоол шингээх талаар асуудал гараад ирнэ. Шингээгүй хоол бие организмыг тэжээх нь байтугай түүнийг шаараар дүүргэнэ гэх мэтээр эмгэгийн хэлхээ цааш хэлхэгдэнэ.

Аюулгүй байдлын тухайд дараах зүйлийг хэлье: Цөсний цорго нь диаметрээрээ 2 см хүртэл сунах чадвартай гөлчгөр булчинтай. Цөсний хүүдийн агшилтын даралт нь бараг 1 атмосферт хүрнэ. Ийм нөхцөл нь цөсний чулууг цөсний цоргоор 12 нугалаа гэдэс рүү өвдөлтгүй, хөнгөхөн оруулж, улмаар бүдүүн, нарийн, шулуун гэдсээр гадагшлуулна.

Элэг цөс цэвэрлэх энэ аргыг аюулгүй, өндөр үр дүнтэй гэдгийг олон удаагийн туршлага батлан харуулсан.

Г.П.Малаховын “Оздровительные советы на каждый день 1999” номны 63 дугаар хуудаснаас орчуулав. /Эмч нар харвал ичмээр дамшиг даа/

Жич: Ноднин 4 сард цөсний чулуу хөөх аргачлалын тухай бичиж байсан. http://arslans.blogspot.com/2008/04/blog-post_16.html Эндээс харна уу.

Одоо элэг цөсний идэвхжлийн улирал эхлэх гэж байгаа. 3, 4 сар. Иймд эхнэр, эгч дүүсийн туршлага, эмчийн зааврыг үндэслэн элгээ цэвэрлээд үзэх санаатай байна. Хүнд хэрэг болж магадгүй гэж бас бодов.

Юу болохнов, үзнээ.

WHAT CAN YOU BUY WITH MONEY?

WITH MONEY :
YOU CAN BUY A HOUSE, BUT NOT A HOME.
YOU CAN BUY A CLOCK, BUT NOT TIME.
YOU CAN BUY A BED, BUT NOT SLEEP.
YOU CAN BUY A BOOK, BUT NOT KNOWLEDGE.
YOU CAN BUY MEDICINE, BUT NOT GOOD HEALTH.
YOU CAN BUY A POSITION, BUT NOT RESPECT.
YOU CAN BUY BLOOD, BUT NOT LIFE.
YOU CAN BUY SEX, BUT NOT LOVE.

WHAT ELSE DO YOU THINK?

http://otgoo68.blogspot.com/-Эндээс авлаа.

Нутгархах

"Манай Увсынхан гүй ээ мөн их ухаалаг хүмүүс шүү. Хаа газрын эрдэмтэд л Увсынх байх юм" ...

http://deppsu.blogspot.com/ Дүү охины бичлэг нэгийг бодогдуулав. Би ч нутгархаг хүн л дээ. Нутгийн тэмээ хүний газар хоригдсоныг хараад суллаад тавьчихсан гэж боддог хүн. Нутгийнхантай уулзах сайхаан, удам судар сайн муу, өөрөө ч мэддэггүй зан чанарыг минь мэднэ гээч.
Манай хүү охин хоёр багадаа эмээгээ булаацалдан дүү нь хариугүй дийлдээд "Тэгвэл танай эмээ чинь надтай унтдаг" гэж ахынхаа амыг таглаж билээ. Үүн шиг, нэгэн анд маань Бал даргыг минь өмчлөөд сүйд, нутгаараа бахархаад, миний нутгийг бараг хэрэгсэхгүй шахам байна шүү. Шар ч хөдлөөд явчихлаа. Та нар тийм сайн юм бол яах гэж хүний газар ясыг нь тавиулав. Бараг дөхсөндөө. "Төв хороо удирдагчаа тоодоггүй юм бол арми маршалаа авна" гэж миний нутгийн атигар хөх өвгөн л зүтгэсэн шүү дээ. Түүний хүчинд бахархалтай, эмгэнэлтэй амьдарсан нэгэн үеийн удирдагч маань эх нутгийнхаа элгэнд амгалан нойрсож буй.
Эх нутгаасаа хэлтлэхгүй гэж эрэлхэгээр тэмцэж, эцэст нь алтан амиа бусдын гарт алдсан Аварзэд гуайгаар би бахархдаг. Гэтэл Давст уул хаа байна? /нийт 1247 хав. дөр. км нутгаа харьд алдсан/. Бурхан гуйсан ч бүү өг гээгүй бил үү гэж шөргөөцөлдөн хэл амныхаа загатнааг арилгав. Чиний наад охор бодол хэтэрч байна шүү гээд хэлээд л тавина. За энэ ч яахав, зодолдож мэндэлж, хэрэлдэж ярьдаг хоёр найзын толхилцоо.
Би ч нутгаараа бахархдагаа, бусдын л адил. Жаварт алгадуулж хүйтэндүү ихэмсэглэх ян сарьдаг, хөх байцас шиг нутгийн хөгшчүүл хатуу хөтүү ч үнэн үг хэлдэг, үг нь уурлаж бухимдмаар боловч аминд ордог л юм даа. Унасан газар, угаасан ус хэнд ч эрхэм. Жалга довны гэж ад үзэгдэх боловч эх оронч гээч үзэл эндээс л эхлэх байх. Харин ёс ёмбогор, төр төмбөгөрөө мэдэхгүй бол хүүхдийн доог, хүний элэг болно. Хүний газар гүний нутагт монгол хүн харагдвал чоно харсан мэт зугатаадаг гэж би дуулсаан, жаахан эмзэглэдэг боловч цаг зуурынх байхоо, эрх чөлөө тавигдаад ирэхээр эхлээд хүнд гарууд гадагшаа гарсантай холбоотой биз. Нэгдэлшиж, нийгэмсээд ирэхээр монгол хүнээ хараад баярладаг болноо. Мал ч гэлээ ижлээ гэдэг, морь ч гэлээ нутгаа гүйдэг.
Деппсү дүүгийн хэлдгээр хорин хэд болоод хуваагдаад талцаад байвал бид л хохирно. Ар өвөр болоод яалаа. Баруун зүүн гэвэл баларна. "Эвтэй байхдаа хүчтэй" гэдэг баахан сонгууль үнэртүүлсэн болохоос үнэн үг.

Жич: Нэг онигоо сонсоод өнөөх найздаа өөрийн биеэр ярихаад очлоо. Хотод ирсэн нэгэн зурагтын суваг сольж, эргүүлж тойруулж сууснаа UBS TV-г гарахад "УБС гэж байна" гээд ухасхийн дуу алджээ. Танайхан нээрээ засаршгүй ээ гэхэд -Нутаг амьтай л хүн байна даа гээд ихэд бахархав. Эмнэлэгт хэвтээ, эргэж тойрох хүнгүй нутгийн нэгэндээ халуун хоол цай дөхүүлэх сэтгэл тэдэнд бий.

Нисэхсэн

Ийм унаатай болчихвол сайханаа. /Зургийг А.Амарсайханы блогоос авлаа/

Монголын төр зүтгэсэн хүндээ халтай гэж үү?

"Монголын төр зүтгэсэн хүндээ халтай" гэдэг үг саяхнаас үүссэн байх. Чингэс хаан маань бусдад зүтгэсэн хүнийг ч үнэн сэтгэлийг нь үнэлэн дэргэдээ авдаг байсан. Монголын төр зүтгэсэн хүндээ халтай байгаагүй. Монголын төрийг хүчгүй байлгах талаар "сайн" хөрш маань санаа тавьсаар иржээ. Тэдний гарын ажлыг бид буруугаар ухаад, Монголын төр зүтгэсэн хүнээ нухаад байдаг юм шиг ойлгож болохгүй. Тэд ажлаа сайн халхавчилж бид ч бүүр итгээд "Монголын төр зүтгэсэн хүндээ халтай" гээд сууж байх гэж. Монголын төрд зүтгэгсэд, түүний язгуур эрх ашгийг хамгаалагсад яагаад цагаас эрт хорвоог орхин эх орон, элгэн саднаа өнчрүүлнэ вэ. Өнөөдөр цаг хугацааны хувьд хол, үйлдэгдэж буй арга нь өөр болсон тул бид анзаарахгүй тайван байна уу?
1911-1915 онд Богд хаант Монгол улс 5 яамтай, парламенттай байх үеээс эхлэн дээрх үг бидний үгийн санд нэвтэрсэн бололтой. Дөчөөд он хүртэл аллага мөн ч гаарсан даа. Энэхүү улс төрийн аллага 1913 онд өвөрмонголын бинт ван Гончигсүрэн гэнэт хордож үхсэнээр эхэлж, Дотоод яамны тэргүүн сайд Да лам Цэрэнчимэд, Гадаад яамны сайд чин ван Ханддорж, Ерөнхий сайд сайн ноён хан Намнансүрэн, Түшээт хан Дашням, Засагт хан Содномравдан, Сангийн яамны хошой чин ван Чагдаржав, Цэргийн яамны сайд шүн ван Гомбосүрэн, Дотоод яамны дэд сайд бэйл Цэрэнням, гадаад яамны дэд сайд гүн Равдан, Сангийн яамны дэд сайд Ванчигравдан, Хүрээ Маймаа хотын хятад иргэдийг хянах хэлтсийн түшмэл Лувсанцэрэн, Өвөрмонголын занги Шагдарсүрэн, Сахалт лам, баргын манлай ван Дамдинсүрэн нарын олон хүн хорлогджээ. Энэ бол гүйцэд тоо биш, нууцаар алан хядах ажиллагаа ихээхэн өргөн цар хүрээтэй явагдсан юм.
Хятадын нууц албаны алан хядах ажиллагааны тухай "Гадаад Монголын автономи ба амгалан байдлыг хамгаалан туслах нам" буюу бидний нэрлэдгээр "Ноёдын нам"-аас 1919-1920 оны орчим гаргасан "тунхаг бичиг"-т "Манай халхын сайн тэргүүлэгчдийг алж бараад улсын хэргийг сайнаар шууд сэтгэх хүнгүй болгон гэрэлт эрдэнийн ширээг балартуулан хайран тулгар төрийг унагаж, хамаг ардыг сарниулан, толгой мөрний дээр тэгшдэхгүй хар хятадын гажуу засаг эрхийг хүлээлгэх нь нэгэнт үнэн болов. Эдүгээ тэдний шулмасын санаа бүрэн бүтэхэд ойртжээ. Эдүгээ бэрх гашуун цагт манай халх нарт улсын хэргийг устгахгүй явуулах гүн мэргэн эрхэм язгууртан цөөн болжээ. Одоо төрийн хэргийг өөрийн гэрийн үйлсийн адил үзэж, язгуур үндсийг мэдэх нь ховор болсон" гэж гашуудан бичсэн байна.

Энэхүү далдуур алан хядах ажиллагаанд хувийн эрх ашиг, хэргэм ямбыг үндэсний эрх ашгаас дээгүүр тавигч Шанзов Бадамдорж мэтийн урвасан хүмүүс ашиглагдаж улмаар тэднийг Монголын төрийн удирдлагад түлхэн гаргажээ. Хятадын тусгай албанд биеээ худалдагсад Богд хааны ордон, түүний хүрээнд шургалан орж алан хядах ажиллагаа явуулж байсан нь сайн ноён хан Намнансүрэн, чин ван Ханддорж, бинт ван Гончигсүрэн нар Богдын ордонд хордсоноор нотлогдоно.
Богд хаан эдгээр үндэсний эрх чөлөөний хөдөлгөөний удирдагчдыг хорлосон болж харагдах нь Богд хааныг ганцаардуулах, ноёдын дунд үл итгэлцэх уур амьсгал бий болгоход чиглэгдэж байлаа.
Эх орноо тусгаар улс болгох Монголын эх орончдын эсрэг оросууд ч зүгээр суугаагүй юм. Хаант Орос гурван этгээдийн гэрээгээр Монголоос хэлтлэн өөртөө нэгтгэхийг санаархаж байснаа хэрэгжүүлэхийн тулд Тагна Урианхайн захирагч Гомбодоржийг Тагна уулын даваан дээр алж, оронд нь оросын талыг барьдаг Агваандорж гэгчийг тавьсан тухай дурдаж болох юм... Цаашид үйл явдал хэрхэн өрнөсөнийг та бүхэн сайн мэднэ. Монголын төр зүтгэсэн хүнээ хамгаалж чадахгүй байна гэвэл үнэнд илүү нийцэх бизээ.


Эх сурвалж:

Орос сэтгэхүй

Российский менталитет
ЗХУ задарсан шалтгааны тухайд Анатолий Лукьянов:
- Союз задрах бодит шалтгаан байгаагүй юм. Хувь хүмүүсийн л дамцаг шүү дээ. Горбачев Лигачев хоёр муудалцсан-Секретариат ЦК байхгүй болсон.
Горбачев Рыжков хоёрын харилцаа эвгүйцэв. Тэр огцорсон гэж бодно уу? Үгүй ээ, Сайд нарын зөвлөл тарсан.
Горбачев мөн л ийм "замаар" явсан даа. Түүнийг буулгахын тулд СССР-ийг будаа болгосон.

Уншихаар барах уу
Төрийн Думд сэтгүүлчид Геннадий Бурбулист хандан:
- Геннадий Эдуардович, та ерөнхийлөгчийн илгээлтийг уншив уу?
- Уншихаар барах уу, бичсэн.

Хэн юу авчрахыг хэн мэдэхэв
Оросын төрийн думд "ОХУ-д хүний дархлал хомсдлын вирус тархахаас сэргийлэх тухай" хуулийн төсөл хэлэлцэгдэж байхад ОЛАН-ын гишүүн, депутат Вячеслав Марычев үг хүсэв. Шинжлэх ухааны шийдэж чадаагүй судалгааны ажилд хувь нэмрээ оруулан:
- СПИД тархах нэг суваг нь депутатуудын гадаад томилолт болж байна гэж мэдэгдэв.
Үүнийгээ тодотгон:
- Одоо Голландад "Оросын эмэгтэйчүүд" бүлгийн тэргүүн Алевтина Федулова байгаа, юу авчрахыг хэн мэдэхэв гэж болгоомжлов.
Гайхширсан "нардепүүд"* Марычевыг жигшүүртэй, ичгүүртэйгээр нь дуудан, жириновчийн үг хэлэх эрхийг гурван хуралдааны турш хасах Александр Невзоровын санаачлагыг дэмжиж, чуулган дуустал хэвээр байлгажээ.

Нүцгэн шалдан шахуу
ОЛАН-ы өөр нэг төлөөлөгч Геогий Лукава гадаадынхныг Думын танхимд "зохимжгүй" хувцастай орж ирэх явдлыг таслан зогсоохыг шаарджээ. Лукавын бодлоор бол гадныхан нүцгэн шалдан шахуу гүйлдэх нь "Төрийн Думын нэр хүндэд харшилсан хэрэг" ажээ.

*нардепы - нардепүүд /ардын депутатууд/

Николай Зенькович. "В тени Кремля" 2000 г. -аас чадан ядан орчуулах аядав. Дашрамд дурдахад Николай Зеньковичийг "Мистер факт" гэж хүндэлдэг гэнээ.

Тусгаар тогтнолоо сэргээн зарласан өдөр

1911 оны арванхоёрдугаар сарын 29-нд Монгол Улс Манжийн эрхшээлээс ангижирч, тусгаар тогтнолоо сэргээснээ зарласан юм гэж тvvхийн ухааны доктор, академич Ж.Болдбаатар онцолж байна.

МАНЖ АМБАН ХӨӨГДӨХДӨӨ ХVРЭЭН ДЭХ ОРОСЫН КОНСУЛЫН ГАЗАР ТОЛГОЙ ХОРГОДОЖ БАЙЖЭЭ

-Vндэсний эрх чөлөөний хөдөлгөөний өдрvvдийн товчоон-

1911.12.01 Манж амбан Сан До-г тvшмэд, сэлтийнхээ хамт Монголын хязгаараас гурван хоногийн дотор зайлж гарах тухай тулган шаардах бичиг гардуулж, хэрэв vл дагаваас зэвсэг хэрэглэхээ мэдэгдэв.
12.02 Хиагтын Манж журганыг мєн тvшмэд, зангийн хамт зайлан явахыг бичгээр шаардав.
12.04 Манж амбан Сан До Хvрээн дэх Оросын консулын газар хоргодов.
12.05 Тєрийн эрх Тvр Засгийн газрын мэдэлд шилжив. Мєн єдєр гадаадын дайсныг сэргийлж хамгаалан газар орноо ариун чанга болгон єєр єєрийн хошуунаас цэрэг томилон сvв боомтыг сэргийлэхийг Ар, Өвөр Монголын аймаг, чуулгануудад бичгээр мэдэгджээ. Євлийн эхэн сарын шинэдээр Тvр Засгийн газраас Богд гэгээнийг Монгол Улсын хаанд өргөмжлөх их ёслолыг өвлийн дунд сарын шинийн 9-ны тvгээмэл өлзийт, тvмэн баярын сайн өдөр хийхээр тогтож энэ талаар нийтэд зарлав.
12.11 Халхын дөрвөн аймгийн хан, ван, бэйл, бэйс, гvн, засаг, чуулганы дарга, туслагч жанжин, хамба Шанзодва нарын тамгыг шинээр сольсныг мэдэгдэв.
12.12 Манжийн хаанд барьж байсан гахай, зурын алба, мєн Манжийн буулгаж /?/, зєвхєн Тvр Засгийн газрын улааны зар бvхий зочинд унаа нийлvvлж байхыг нийтэд тvгээн зарлав. Энэ завсар Богдын ордны дотор хуучин Дэчингалавын дуган, алтан дээвэрт сvмийн зvvн талд, мєн Доржвавран дуганы баруун талын хэсэг сул газрын шар хашааг хойш тэлж ихэтгэн тэр зайд Монголын төрийн орд гэрт шар хамба торгоор өнгөлж, хөх торгоор мөшгөөрлөсөн, очир, мөн эрдэнэ, долоон тахил гэх мэтээр гоёмсоглож хээлсэн арван хэдэн ханатай том эсгий гэрийг барив.
12.29 Богд гэгээнийг Монгол Улсын хаанд єргємжлєх их ёслол болов. Энэ тухай уг ёслолыг нvдээр vзсэн өвгөн бичээч хэмээн алдаршсан Г.Навааннамжилийн дурсамжид:
-Мєнхvv єдрийн өглөө Их хvрээний тєвийн шар ордны тэнд очиход олон хvн хуралдаж, vнэхээр нvд алдам байв. Отго жинс, хvрэн эрээн дээлтэй ноёд, тvшмэд, хутагт, хувилгаад, лам нар жагсан хvлээж байв. Тэдний дунд ороод байтал удалгvй дээд сум дээр гурван удаа их буу тавьсан чимээ сонсов. Ногоон ордноос Богд Цагаан дарийн хамт их ёслолоор явж ирэхэд тэдгээр хуралдагсад хvндэтгэв. Vдийн vе болоход ордны зvvн тасалгаанд Богдын тугдам гэдэг гэрийн vvднээс эхлэн төрийн ордны хоймор байгаа хааны ёслолын єндєр тавцан бvхий олон давхар магнаг олбог тvшлэг хvртэл шар торго дэвссэн "гардан" бэлтгэв. Богд, Эх дагина хоёр хар vнэгэн малгайд очир жинс хадаж, эрээн дээл, булган цоохор хvрэм ємсєж, явганаар шадар ноёд, сойвон донир нарыг дагалдуулан хойноо шар торгон баалтан саа, уул хээт шvхэр хоёр, тогосны єдєн шvхэр нэгийг бариулж, ємнє нь донир ба улаан хуйт сэлэм зvvсэн хар ноён хоёр хvн удирдан мєнєєхєн бэлтгэсэн шар торгон зам дээгvvр алгуур хан алхуулж явахад шадар ноёд дөрвөн хvн Богд, Эх дагины хоёр талаас тvшиж хvндэтгэн явах бөлгөө гэж бичсэн байна.

VIII Богд Жавзундамба /1869-1924/ тvvхэн

М.Буянбадрах, Н.Наран, Б.Билгvvн
Дугаар 310,311/3070,3071/

http://www.olloo.mn/modules.php?name=News&file=article&sid=1144622

"Мисс Москва-2008"-д оролцогч монгол загвараар гоёлоо

Зургийг http://www.news.mn/ -ээс

Ид зунаар цас орохыг...

...1944 оны 7 дугаар сард намайг Ховдын тусгай хэлтэст томилж, зэвсэг галт хэрэгсэл ачсан 40-өөд машины цуваатай явуулж билээ. 7 сарын 5-6-ны үеэр Улаанбаатараас гарахад цас орж байлаа. Ид зунаар ингэж цас орохыг би амьдралдаа анх удаа үзэж билээ. Автомашины цуваа 7 хоног явж Ховдод хүрсэн...

Сонирхолтой түүх, дурсамж юм. Тэр жилийн намар, өвөлдөө цас их оржээ. Мичин жилийн зуднаар гэж ярьдаг тэр жил шүү дээ. Зуд нүүрлэхийн дохио их эртнээс мэдэгдэж байжээ.