Яагаад?

Бага охинд маань юм бүхэн л гайхалтай санагдаж байх шиг байна. Өнөөдөр эгчээсээ -Дэлхий дээр анхны хүнийг хэн төрүүлсэн юм бол? гэж асуужээ.

Хөлсөө гартал хоолоо идээд би мөн сайхан туржийнаа

Зулаа охин /6 настай/ хоолоо идэж байгаад:
- Би мөн сайхан туржийнаа
- Яагаад
- Харахгүй юу, хөлсөө гартал хоолоо идээд.

Биднийг писхийтэл хөхрөлдөхөд гайхаад байгаа бололтой.

Цагаан толгой 12 үсэгтэй

Аниа нь Зулаагаас /5 настай/: -Цагаан толгой хэдэн үсэгтэй вэ? гэж асуув.
Тоолж байгаад 12 гэхэд эгч нь юм хэлж чадсангүй.

Ээжийнхээ гэдсэнд байсан бол амар байхгүй юу

Орой эртээ эхэлсэн бороо шөнөжин орлоо. Чийг дутаж, шороо эргэлдсэн энэ үед асгаран орсон бороо хэн бүхэнд таатай байлаа. Олон ч түймэр унтарсан даа. Гэтэл өглөөгүүр адраас ус гоождог байгаа. Дээд давхрын айл эзгүй. Энэ лав борооных байж таарлаа гээд сав тосож орхиод ажилдаа явлаа. Тэр өглөө охиноо бороотойгоор далимдуулаад унтуулан цэцэрлэгт нь явуулсангүй, эмээтэй нь үлдээв.
Дахин ихээр ус гоожсон тул гэртээ дуудагдан ирлээ. Савнуудаа эгнүүлэн тосох зуур охин минь болгоомжтойгоор туслана. "Ээжийнхээ гэдсэнд байсан бол амар байхгүй юу" гэхэд анзааран харвал царай нь их түгшжээ. Ургуулан бодоод удахгүй нурах юм шиг л төсөөлсөн биз. Би тайвшруулан "дусаал гоожих гоё байгаа биз дээ, энд, тэнд бас энд. Чи сонсдоо..., -Тийм байна". Охины айж сандарсан байдал арай дээрджээ.
Бороо намдав дусаал ч татрав. Бас ч танагтай, жаахан шарлаад болчих нь тэр. Тэртэй тэргүй засвар хийх юм чинь.

1+1=1

Миний бага охин 1+1=1 гэдэгт тун их итгэлтэй. Ааваараа үлгэр яриулж дуусаад дахиад íýãèéã ãýæ гуйна. Би чамд сая ярьж өглөө шүү дээ гэхэд "Хоёр чинь нийлээд нэг шүү дээ" гээд хуруугаа гарган үзүүлж ярихаас аргагүй болгоно. Тиймээ охин минь, нийлсэн хоёр юм нэг л болно шүү дээ.

Хоёр чинь нийлээд нэг.

Аавынхаа "Монголын ёс гурав" гэдгийг битгий сурчихаасай, охин хүүхэд алзахгүй ээ.

Хүүхдийн яриа

- Ааваа, хоюулаа зурагтаа хагалаад үзэх үү?
- Яахнуу
- Дотроос нь хүн гарч ирж магадгүй. /Тулгаа 3 настай/
Би ч багадаа ийм бодолтой "Эх орон-52"-ын араас шагайж билээ.
***
Онигоо ярьж дуусахад:
Ааваа, тэр донгосыг чинь иддэггүй тиймээ. /Заяа 3 настай/
***
1998.06.01
Тулгаа Заяа хоёр эмээгээ булаацалдав.
Т - Энэ чинь миний эмээ
З - Чиний эмээ чинь тэгвэл надтай унтдаг
Т - ..... /дуу гарсангүй/
***
Мони-г багад нь хумсыг нь авч дуусахад:
- Одоо битгий ирлээрэй гэжээ
***
Обоо хөргөгчнийхөө өмнө зогсоод:
- Хөргөгчөө хаалгаа нээгээрэй гэв.
***
1997 он
Тулгаа гэрийн гадаа ирсэн үхэр тугалыг хөөхөөр гарав. Юу гэж хэлж хөөхийг харж байтал очиж хэсэг тулгамдсанаа
- Яв! гэж муухай хашгирав. "Хож" гэж хөөж байхыг зааж өгөв. Хэд хоногийн дараа дахиад үхэр туухдаа
- Жов! гэлээ.
***
Ч.Магнай хурганы хачгийг үзээд
- Энэ хонь усанд ордоггүй юм байна гэсэн дүгнэлт хийв.
***
1999.01
Сонирхолтой хүүхдийн нэвтрүүлэг явж байхад ээж нь "Хоолоо идээрэй" гэж дуудав. Бүгд гарцгаахад Заяа гарах гэснээ зурагт руугаа гүйлээ. Яах нь вэ асаалттай л байг гэтэл
- Энэчин дуусчийшдээ гэв.
***
1999.06
Тулгаа /7н/ ээжтэйгээ ярина.
- Хүүхэд чинь ээжээсээ гардаг тиймээ
- Тийм
- Тэгвэл аав ямар хэрэгтэйиин.
***
Эхнэр маань бэр эгчдээ памперс захижээ.
Орой нь нилээд олон хүний дэргэд чангаар "Чимгээ, чиний захисан тампакс чинь алга байна" гэв. /том хүний яриа орчиж/
***
2001.6.11
Дэлгэрмаа /бараг хүүхэд юмдаа/ Богд уулыг тойрон 3 хоног аялсан тухайгаа ярина. Дахин аялалд явахдаа цэргийн палатка авч явах санаатай Сүрэн ахаа "Цэргийн плавка" олдох болвуу гэв.
***
2001.12.6
Г-ын 2 охин:
- Ээжээ, хүүхэд хаанаас гардаг юм бэ?
- Хүйснээс гэтэл бага охин /4н/ нь
- Эргээд орвол багтах болвуу? гэжээ
***
Тулгаа ахмад хүнийг хүндэтгээд "Хохь тань шүү" гэв.
***
Зулаа /3 хүрэх гэж байгаа/
- Явахаар би ядраад, тэврэхээр та ядраад бид 2 инээдтэй юмаа гээд тэврүүлээд явж байхдаа гараа үрчиж байгаад чихийг нь дулаацуулж өгнө.
***
Зулаа /3н/: - энэ ууттай машиныг хараа
***
Зулаа айлд очиход: - Машинтайгаа байшиндаа орчихдог, сонин юмаа, лифтээр гарахад: -амар юмаа гэж соёлыг гайхав.