понедельник, 24 января 2011 г.

Талархаж байнаа

Би буян үйлдэж бурхан бүтээж, өглөг өгч өгөөмөр загнаагүй ч бусдыг буруу замаар будаа бүү тээгээсэй гэж хүсдэг эгэл нэгэн.

Аавын захиасыг умартаж архи дарсыг хэтрүүлэн амь тавихдаа хэдэнтээ тулсан ч тэнгэр бурханы өршөөлөөр мэнд өнгөрч байлаа.

Архи гээч тааруулж тохируулж чаддаггүй над шиг хүнд бол хүнд идээ юм байна. Амсахгүй байхыг байхыг шаардах андын минь сэтгэл юутай сайхан, архи сурталчлахыг хорьсон засгийн хууль юутай сайн.

Архины үйлдвэрлэлээ ашигтай байлгах, архичдын тоо толгойг өсгөхийн тулд эзэн хааны нэрээс авахуулаад үнэтэй цэнтэй бүхнийг ашиглаж бай
на. Алтан намар, ургацын баярын шагнал "Алтан түрүү"-г сэргээж байгаа нь цаанаа өөр зорилготой. "Алтангадасын түүх" гээд уншиж байтал архины реклам болоод явчих жишээтэй. Гэмт хүн гэлбэлзэнэ гэгчээр нэрээ нууна, мэдээ маягаар сэмхэн шургуулна. Хэдэн цаас авдаг юм байхдаа зайлуул. Үүнийг хараа, ерөөл өргөе энэ тэр гэсэн далд сурталчилгаа тасрахгүй, арга ажиллагаа нь ад зэтгэрийн гэмээр нарийсч байна.

Архинаас болж осгох, осолд өртөх зэргээр олон мянган хүн амь нас, ахуй амьдралаа алдаж байгааг хэн бүхэн мэднэ. Архины үйлдвэрлэл хэмээх бараан мөртэй энэ бизнесийг хувь хүн бус төр өөртөө авч буруу үйлийн үрийг буух эзэн, буцах хаяггүй болгомоор юм.


Урлаг соёл, улс төр нийгмийн зүтгэлтнүүд, элит хэмээгдэх ноёд, хатагтай нар арх
ины шинэ брендийн нээлтэд оролцон амаа олохгүй магтах өнөө үед бадарчин хүү Амай шар айрагны сурталчилгаанд ашиглуулчихсандаа эмзэглэж байгаа нь нэгийг бодогдуулж, хүндлэх сэтгэл төрөв. Бас талх чихэр компани "Ерөөл" хэвийн боовны хэвшсэн нэрийг өөрчилж буй нь архи сурталчлах муу үйлд гар бие оролцохоос татгалзаж буй хэрэг. Татгалзсан бүхэнд талархаж байнаа.

Би ч бас эр зориг гарган "архи дэмий юм" гэж захиад бичлэгээ дуусгая.
Шог зургийг С.Цогтбаяр.


10 комментариев:

бж комментирует...

Их зөв шийдвэр гаргажээ. Баяр хүргэе.

ZAYA комментирует...

Телевизээр архины суртчилгаа их явах болж...
Гэрийнхэндээ, архи суртчилж болдог болсон юм уу? гэж асуусан чинь, шоолуулсан шүү дээ.
Хуулиас гадуур хувь хүмүүс өөрсдөө л зөв бодолтой байвал тээ,

Гилийн хатан комментирует...

нийгэмд нөлөөтэй хүмүүс тэр нэр төрөө ашиглан байнга бусдад эерэг мэссэж өгч баймаар байгаан. Мөнгө л авч байвал юунд ч хамаагүй л харагдаж байдаг. Бас дээр хэдэн зохиолын дуучид хөдөө тоглолтоор явж байхдаа чоно алсан гэж хөөрөөд л алсан чоноо зурагтаар харуулаад л байсан, бид чононоос илүү тэнгэртэй ч гэнэ үү. чоныг дээр үед морьтой ташууртай байхдаа авлачихаад, илүү тэнгэр гэж ярьдаг баясан байх

Arsun комментирует...

Ганаа.БЖ:
Хаширсан болохоороо л хэхэ.

Заяа:
Архи, хар тамхи энэ тэрийг хаа сайгүй л сайшаахгүй, хорих юм даа.

Гилийн хатантан:
Харин тиймээ. Нийгэмд муу мессеж өгөхгүйг хичээж байгаа Амай хүүгээс ардын цолтнууд, алдар цуутнууд нь суралцмаар юм.

Эрдэнэбаатар комментирует...

зүйтэй гэмээр пост байх чинь кк

ZAYA комментирует...

Сар шинэдээ сайхан шинэлэв үү?

Arsun комментирует...

Эрдэнэбаатар:
Баярлалаа.

Заяа:
Сайхаан, хэхэ.

Анонимный комментирует...

Arhi tamhinii hereglee ers humigdval Mongol aziin bar boloh baih l daa. Elbegdorjiin arhigui shine jil deer manai "elitentseruud" jaahan dem ogch arhigui bayar yoslol temdeglej surval zugeer l dee. Bur yadaj shampanskaar hyazgaarlaj surval.

Barimalch

Arsun комментирует...

Барималч:
Ер нь хүмүүс архи хэрэглэхээ багасгаад байгаа юм шигээ.
Сүүлийн үеийн монгол кинонууд спонсор нь архиныхан байдаг юм уу хаашаа юм дандаа л нэг архи гаргаж харуулж байгаад л ууцгаах юм. Том төсөл санхүүжилт олдохгүй болохоор мөнгийг нь аваад аргагүй эрхэнд ингэдэг байх л даа. Уул нь татгалзаж чаддаг баймаар юм.

Дестини комментирует...

Би нэг имейл бичсэн юмсан...