среда, 2 декабря 2009 г.

Баавгайг буудчихаад тусламж үзүүлжээ

Швейцарийн Берн хотын билэг тэмдэг нь баавгай аж. Тэгээд ч хотын амьтны хүрээлэнд баавгайд зориулан тусгайлан цэцэрлэгт хүрээлэн байгуулжээ. Ааре голын гүүрийн дэргэд байгуулсан тэрхүү хүрээлэнд хос баавгай жуулчдын нүдийг хужирлаад удаж байгаа аж. Саяхан болсон үерийн аюулаас хамгийн түрүүнд тэднийг л аварсан гэнэ.Харин тэдний нэгэнтэй эмгэнэлт явдал тохиолдоно гэж хэн ч бодоогүй бололтой. Тус хотын иргэн, 25 настай залуу араатны хоол болох шахжээ. Цагдаа нарын мэдээлснээр энэ залуу бага зэрэг оюун ухааны хомсдолтой аж. Тэрбээр тусгаарлах хашлагыг даван, дөрвөн метрийн өндрөөс шууд Финн нэртэй аварга том хүрэн баавгай дээрээс үсэрчээ. Араатан хурц хумс, соёогоороо урилгагүй зочныг угтан авсан байна. Ахиад жаахан хугацаа өнгөрсөн бол хөөрхий залуугаас юу ч үлдэхгүй байжээ. Азаар түүнийг нэгэн цагдаа аварчээ. Хууль сахиулагч майга борын цээжинд есөн мм-ийн бууны сум зоосноор араатан олзоо тавьжээ. Урилгагүй зочныг торноос гарган эмнэлэгт хүргэсэн байна. Баавгайнд ч мэс засал хийж сумыг нь гарган авчээ. Түүнийг бүрэн эдгэсний дараа хэрхэхийг шийдэх гэнэ.

Эх сурвалж: Нийгмийн толь.http://news.gogo.mn/r/62958 /Нэвт буудуулан, тусламж авч чадаагүй монгол залуу Ариунбаатарыг бодон гарчгийг зориуд сольсон болно. Арсун/

4 комментария:

Гуга комментирует...

sain u, spisok blogov gej gadget-aa yaj hiisen arga turshagaa zaagaad ogooch plse?

ganga комментирует...

Blavatskaya tuhai bichleg ih sonin bailaa. Bayarlalaa.

Moogy комментирует...

Bas sayhan evropt 2 baavgai mash hachin guujisan medee taraad baisan.

Arsun комментирует...

Гуга:
Явууллаа.

Ганга:
Баярлалаа.

Moogy:
Цагдаа нар хүн буудчихаад тусламж үзүүлэхгүй хаяад явчихсанд гол учир нь байгаа юм. Гэтэл баавгайг буудчихаад тусламж үзүүлдэг байна шүү.