вторник, 7 августа 2007 г.

Сэтгэл судлаач эмэгтэй том нь 3, бага нь ой хүрээгүй хоёр хүүхэдтэй. Тэр, нэг өглөө унтаж буй дүүгийнхээ дэргэд ах нь очихыг ажиглаж байж. -Тэнд сайхан байна уу? Би заримыг нь мартаад байна гэсэн яриа болжээ. Энэ тухай ээж нь номондоо дурьдсаныг олж үзэв. Тэнд гэж хаанахыг хэлсэн, мартаад байна гэж ямар учиртайг хэн мэдхэв. Дүү нь бидний мэдэхгүй чанадын хэлээр ярьсан ч юм билүү.

Новосибирскийн нэгэн районд нууцаар психотронийн зэвсэг туршжээ. Оршин суугчдад тодорхой цагт босож, төдөн удаа гар дээрээ суниахаар даалгавар өгөгдсөн байв. Үр дүнгийн судалгааны тайланд хүмүүс даалгаврыг үг дуугүй биелүүлж байхад бага насны хүүхэдтэй айлууд дээрх командын үйлчлэлд орохгүй байгааг тэмдэглэжээ.

Хүүхэд бидний авран хамгаалагчид биш байгаа?! Ил харагдах, гарт базагдах дайснаас тэднийг бид хамгаалж чадах. Дээрхийн адил далдаас дайсагнасан нөлөөнд нөгөө эрэлхэг зоригтой ээж аавууд маань амьтан болж, энхрий бяцхан үрс минь биднийг хамгаалан тулалддаг юм биш байгаа. Хүүхэд хүчирхэг энергийн орчин үүсгэж хорон санаа, хортой үелзлэлээс хамгаалсан юм биш үү. Грабовой 3 настайдаа дэлхийг аварсан гээд байх, гайхаад л байна.

Эрхэм зочин та хүүхдийн зулайнаас үнэртэх анхилам үнэрийг мэднэ. Үүнийг сүүний үнэр шингэсэн сэвлэг даахь гэдэг. Энэ бол сүүний үнэр биш гэдгийг нотлохыг оролдъё.
Гуравдахь хүүхдээ төрүүлэхдээ эхнэр маань кесерево сечение хийлгэсэн. Охиныг маань амлуулаагүй байхад би үнсэж, үнэрлэж үзсэн. Ямар гайхалтай үнэртэй байсан гээч, үнэн тансаг. Энэ бол ахуйн үнэр биш байсан. Амьдралд ийм үнэр байдаггүй.
Хүүхдийг усанд оруулж сайтар шампундлаа ч гэсэн энэ үнэр арилдаггүй, бүр мөлчийтөл угаагаад байхад шүү. Бид идсэн хоолныхоо үнэрийг хөнгөхөн зайлаад, эсвэл арчаад л арилгачихдаг шүү дээ.
Бас Доржжав багш маань хичээл дээрээ нэгэнтээ далийгаад -хөдөөний, огт усанд ордоггүй мөртөө сайхан үнэртэй хөгшид хааяа бий гэсэн удаатай. Тэгэхээр хүүхдийн зулайнаас үнэртэх энэ гайхалтай үнэр бол сүүний үнэр биш. Таныг санал нэг байгаа гэж итгэж байна.

Хийн дасгал, бясалгал хийдэг улс гайгүй үнэртэй байж болох юм. Анхилам үнэрт хийн дасгал гээд Оюунбилэг гуайн ном байдаг шиг санаж байна. Би 21 хоног бясалгал хийгээд үзсэн чинь хүмүүсийн үнэрт их мэдрэг болсон гэж байгаа.

Манайхан хүүхдээ тэрний энэний сүнс эргэж төрлөө гэдэг. Бүр тэмдэг нь энэ байна гэнэ. Тэгэхээр хүүхдүүд Тэндээс ирдэг байх нь. Ирэхдээ бүр гэгээрсэн байдаг бөгөөд бидний бохир орчинд аажмаар дасаж /бид сургаж/, үнэр танар нь арилсаар, "заримыг нь" мартсаар, насанд хүрэхдээ бидний адил нүдэн балай чихэн дүлий болдог байх. Бурхад ирээд хүн болж төлөвшдөг байх. Хааяа ганц нэг нь гэгээрдэг байх.
Монголчууд заримдаа -хүүхдээс асуу гэнэ, Хүүхдээ өхөөрдөхдөө баастай бурхан гэнэ.

Үнэхээр хүүхдүүд гэдэг томчууд биднээс агуу улсаа.

13 комментариев:

Avilokiteshwara комментирует...

Unert lam gej bas baisan gesen. Uuruusuu anhilam saihan uner gargaj suudag baisan geed...

anun комментирует...

Avilokiteshwara-д Үнэрт ламын талаар блогтоо бичээч гэсэн хүсэлтийг минь хүлээн авна уу.

Өнөөдөр Пападжи, Гангаджи, Ошо... аромат этих учителей присутствует очень сильно... гэж уншаад дэлгэрүүлж юм олчих санаатай л сууж байна. Танд сайн сайхныг ерөөе

Зүүдний тэмдэглэл комментирует...

Их нарийн зүйлийг анзаарч бичжээ. Нээрээ л тийм шүү. Сайн үнэртвэл хүн болгон өөр өөр үнэртэйдэг ээ. Тэр хөлсний үнэр гэж яриад байдаг нь угтаа хөлсний үнэр биш тэр хүний санаа бодлынх нь л үнэр болов уу даа. Хөдөө хэдэн сар жилээр усанд ордоггүй атлаа мөн ч сайхан дотно үнэртэй хөгшид байдагсан. Яг л хүүхэд шиг....
Аа, тийм нэг сонин дуулгахад бараг 2 сарын өмнө санамсаргүй гараа эсгэчихээд шархны лент гэрт байдаггүй, тэгэж ингээд монгол аргаад аргалчихлаа. Дараа нь дэлгүүрт явж байгаад шархны лент таарахаар нь нээрээ хэрэг болдог юм гээд нэг бүтэн хайрцагийг /50ширхэгтэй/ авчихдаг юм байна. Тэгсэн нь тэр хайрцаг лентийг авчирсанаас хойш манай хэдэн хүүхэд байнга л нэг шалбархайтай, өвдөг нь, гар нь, өмнө нь ер тийм юм анзаарагддагүй байсан санагдах юм. Тэгээд 2 долоо хоногийн дотор нөгөөх хайрцагтай лент ч дуусдаг юм байна, манайхан ч тэгэж шалбарахаа болчихдог юм байна. энэ тохиолдол уу, эсвэл... Хүний бодол санааны бодит үйлчлэл үү, тэр эд юмсын нөлөөлөл үү, мэдэхгүй юм даа

Зүүдний тэмдэглэл комментирует...

Aa тийм, бас нэг зүйл..
Хууччуул "үнэр, танар" гэж ярьдаг байсан. Энэ нь адуу мал, гэдэг шиг зүгээр нэг холбоо үг юм болов уу гэж боддог байсан. Сүүлдээ нэг л биш санагдаад... тэр -танар гэдэг нь арай өөр агуулгатай үнэрийг хэлээд байх шиг. Жишээ нь нялх хүүхдийн боожгойноос үнэрлэчихээд, "aa үнэр танар нь гэж жигтэйхэн" гэх мэт. Эсвэл үнэр гэдэгтээ хүч нэмсэн үг юм болов уу, эсвэл.. аль вэ энэ хэл шинжээчид байвал туслаарай. Бас үнэр ямар хүчтэй нөлөөлдөг талаар, үнэрээр буг дарж байсан тухай нэг хуучин яриаг сонсож байсан, дараа нь хуучилж өгнө өө. Нэг урилгагүй тухалчихдаг айлтай болсондоо баяртай байгаа шүү, хэ хэ

anun комментирует...

"Тэр хөлсний үнэр гэж яриад байдаг нь угтаа хөлсний үнэр биш тэр хүний санаа бодлынх нь л үнэр болов уу даа." -Хүүе Аахиа, сэтгэлийн үнэр гэвэл ямрав, дээрхийг уншаад ингэж бодогдлоо. Адилхан л орчинд өөр өөр үнэр үүсгэдэг шүү дээ. Зарим нь тэвчихийн аргагүй байхад зарим нь их өөр. Тэр лент их сонин юм.
Нөгөө түргэн цагаан шиг юм болсым бишүү. Түргэн цагаан гээд нэг шаваг шиг, их цэмцгэр бутлаг ургамал. Яс гэмтэхээр хэрэглэдэг, түргэн болоолуулдаг гэнэ. Нэг нөхөр юмыг аяж мэдхэв гээд аваад хадгалсан чинь хонины хээрээсээ унаад хэмхэрсэн гэдэг.
Бодол-Бодит байдал 2 заримдаа ялгагдахгүй байх үе бий. Болдын тухай бодтол Болдтой таарах жишээтэй. Би л лав 6-д босно доо гэж бодоод яг 6-д сэрээд гайхаж билээ. Бид бодлоо хянаж зөвхөн сайн сайхныг л бодож байх хэрэгтэй юм шиг. Мартах вий гэхээр мартдаг гэнлээ. Хүний бодол их хүчтэй учир янз бүрийн хугацаагаар программчлаад байж болох юм.
Булангийн цаана Болд явааг зөнгөөрөө мэдрэв үү, эсвэл Болдыг бий болгочихвуу. Хэсэг томчууд матери анхдагч болох талаар маргахад Гандангийн хамба агсан Гомбожав гуай зөрөөд байж, гэтэл "Тэгвэл Богд уул хоёрдогчуу?" гэхэд тийм л гэж.
"Намайг байхад байна, намайг үхэхэд байхгүй" гэж эрдэмтдийн амыг тагласан тухай ТВ-ээр Сүрэнжав гуай хуучилж байнлээ.

Танарыг нээрээ ухаж үзмээр юм. Манжаас үлдсэн байж болох юм. Цэрэг цуух - ын цуух нь
цэрэг гэсэн манж үг гэнлээ. Нөхөр товарищ гэдэг шиг юмуудаа.

Болоог гэж таатай эд юм. Урилгагүй тухалчихдаг айлтай адилхан. Надад болохоор ирсэн хүн хооллож ундлаад, дулаацаад яваг гээд үүдээ түгжилгүй эзгүй орхисон гэртэй адил санагддаг, дээр үед байсан даа. Хэзээч очиход таатай. Гэхдээ бас таньдаг улсаа л оруулдаг айл бас байх юм.

Таны зүүд цаанаа нэг юм уянгалаад байдаг шүү. Үнэрээр буг дарсан хуучийг хүлээж сууна.

anun комментирует...

Нэг бухны тухай ярихгүй бол болдоггүй. Энэ 90-ээд онд болсон юм шиг байгаа юм. Нэг уран гартай хүн бухаа алдчихжээ. Харамсахдаа түүнээ сийлж л дээ. Сийлбэрийг нь худалдаж авсан Өвөрхангайн хүн бурхан болчихож. Дараачийнх нь ч бас яасан юм. Болохгүй болохоор нь УБ-т талбайн хажуугийн дэлгүүрт тавьчихсаныг Куланда /сэтгүүлч/ худалдаж аваад Японы Ерөнхий сайдыг ирэхэд бэлэглэчиж. Нөгөөх нь нутагтаа очоод огцорчихож гэнээ. Нэг сониноос уншсийн. Огноо дугаарыг мартжээ. Ер нь уран зураг нөлөөлөөд байдаг тухай дараа яринаа.

nana комментирует...

ta 2 chatlachxiin bna doo,hehe. googoo yarianuud bolj bgaam bna shtee...urgeljleliig ni sonsii... geel suujiigaa....

Зүүдний тэмдэглэл комментирует...

Аахиа гээд л Ар голынхоны дуудлага сонсогдоод явчих чинь ээ. Их л ойрхоны хүн байна даа. Тэр Түргэн цагаан ч үнэхээр түргэн шүү. Одоо түүнийг яагаад анагаахад хэрэглэдэггүй юм болдоо. Практикаар маш сайн үйлчлэлтэй болох нь мөн ч олон удаа батлагдсан эд дээ. Энэ манай эмзүйчид нэг юм бодож л явдаг байлгүй гэсэн. Түргэн цагаан Бугат, Тонхилын нутагт зүгээр малынх нь бэлчээр дээр зулаастай ургадаг ш тээ. Сүйхээтэйшиг толгой бол түүгээр эм, брэнд хийгээд зах зээлд гаргавал арвин, хямд түүхий эд бүхий мундаг бизнес ч байж магад. За тэр ч яахав. Тэр үнэрээр буг дарсан түүх их урт учраас дараа нь нэг тухтай бичие.
Харин уран зураг нөлөөлдөг гэснээс болох болон болсон үйл явдал зурагт өөрт нь бас нөлөөдөг байж магад.
Нэг явдал: Нутгийн нэг хөгшин олон жил түрүү авсан алдарт "Чонон халиун" мориныхоо зургийг зуруулах юм болов оо. Их хуучирч, сэмэрсэн зургаас сэргээх юм. Өөрийг нь тэр мориныхоо жолоог өргөөд цоллуулж байгаагаар зурхаар болоод..., тэгээд уг нь их давгүй зураг боллоо. Ганцхан нөгөөх хөгшиний маань нүүр царай гардаггүй ээ, хэд хэдэн хувилбараар хийж үзээд ер болсонгүй, аргаа бараад зургаа орны хөндий рүү хийчихээд хэд хонож байтал хөгшиний охин "Аав өнгөрчихлөө, нөгөө зургаа яасан гээд" гээд давхиад ирдэгийм. Тэгээд орны дороос гаргаж ирээд зурсан чинь хөгшиний дүр төрх тэр дороо дурайгаад л гараад ирсэн дээ. За энэ нэг тохиолдол байж болно. Гэтэл бас нэг тохиолдол нь надтай их дотно байсан хөгшин нас барчихдаг юм байна. Залуудаа бөх тэх явсан, ханхар золбоотой сайхан хөгшин л дөө. Дүү нь/бараг л миний хуурай аав болсон хүн/ талийгч ахынхаа зургийг зуруулаад хоймортоо залах болов. Тэгэхдээ талийгчийн бараг 20-30 жилийн өмнө авхуулсан, ид барилдаж, хаагиж явсан галтай цогтой үеийнх нь жижигхэн фото зургыг томруулж зуруулах болов. Зурлаа. Гэтэл дүү нь үзчихээд нулимс гаргаж байна. Яасан гэсэн талийгч яг нас барахынхаа өмнө миний зурсан дээрх шиг царай төрхтэй болчихсон байсан гэнэ ээ. Уг нь би 20-30 жилийн өмнөх залуугийнх нь зургийг зурсан юм ш тээ. Тэгээд нээрээ анзаараад харахнээ нь уг төрх нь залуу ч гэсэн тэр залуугийн гал цоггүй, яг хамаг шим шүүс нь шавхарч, амь тавьж байгаа юм шиг царайны илэрхийлэл гарсан байж билээ. Энэ хоёр тохиолдолыг би бодоод л явдаг юм. Аль аль нь учиртай, ямар нэгэн гаднын нөлөөлөл зурагт орчихсон байх гээд л... Ер нь талийгч нарын зураг зурах муу гэдэг юм билээ. Энд бас нэг учир бий байх аа.
За ингээд Нана ажаагийнхаа захиалгаар үргэжлүүлсэн шүү

Зүүдний тэмдэглэл комментирует...

Аа тийм наад бухын чинь сийлбэрт эзэн нь харамссан хорссон ч юм уу нэг муу сэтгэлээ л шингээчихэж л дээ. Тийм юмны сөрөг энергийг тайлдаг арга чарга бас байдаг гэдэг. Сайн гуйвал шавиар оруулж, тэр тарнийг зааж өгч болно шүү, хэ хэ

Зүүдний тэмдэглэл комментирует...

Бас нэг, Уран зураг хэрхэн нөлөөлдөг талаар Н.Гоголь найзын маань "Хөрөг" гээд гайхалтай туурь бий дээ, санаж бйана уу.

Анонимный комментирует...

horog zurgiin talaar Oscar Wild-iin Grayn Dory ch biluu neg aliidaa zohiol bdag daa, aimaar...

Ганаа_бж комментирует...

Chinii bichleg bolon Zuudchinii commentiig amtarhan unshlaa. Sonin sodon tohioldluud bas ih baihiimaa.

anun комментирует...

-Аnon, Ганаа нартаа талархлаа.
-Зураг нөлөөлдөг талаар бичих гээд материалаа олохгүй байнаа. Ингэхэд Эрхэм хүндэт Зүүдчин миний найз байвал яахав? Дэлхий хавтгайраад хумбайчхым байналдаа. Та манайд /жинхэн шүү/ нэгэнтээ зочилж нутгийн минь уулсаар нэг аялуулчихаагүй юу. Манай нутгийг надаас илүү мэдэж, гайхшруулж билээ. Танай ажлын өрөөнд хөрөг зурж байхад хальт ороод гарсандаа. 2 удаа л уулзсым байна. Ямар аймшгийн амьтан болохыг санахгүй байнуу. Фокусыг тодруулъя. 1 мэйл-гэрийн тухай.
-Сайбер ертөнцөөр сайхан чөлөөтэй аялая гэсэн чинь садан төрөл хүмүүс ч гараад ирэхнээ. Өөр гаригт очихсон.
-"Чонон халиун"-ны эзэн, бас нөгөө зурагны тухайд "автомат захиа" болчихсон байна шүү дээ. Энэ бол Таны зөн билэг их өндөр хөгжсөн, дээд оюун ухаантай холбогддог гэсэн үг. Гайхамшигтай юм. Дотогшоогоо ярган ургасан гэхиймүү. /Урианхай гуай/
-Юманд учир бий
Суманд занги бий бас
Юм учиртай
Сум гичиртэй гэдэг. Тохиолдол гэж юу байхав дээ.
-Сөрөг энергийг арилгагч "Гамма-7Н" гээч багажийг авдиймуу гэснээ болилоо. Оросууд ч энэн дээрээ маргаад байхиин. Сайн гуйж байгаад шавь орж, тарнийг заалганаа.
-Нялх хүүхдийн боожгойноос үнэрлэчихээд, "aa үнэр танар нь гэж жигтэйхэн" гэдэг их сонин заншилаа. Одооч ингэж тамхилдаг хүн харагдахгүй юм, хагархай өмдгүй болсонтой холбоотой байхаа.Үүнийг би цаад утгаараа бэлгийн зөв хүмүүжил олгоход нөлөөлдөг байх гэж бодно. Дунд сургуульд противогаз өмсөхийг зааж байхаар презерватив өмсөхийг /өмсгөх гэх нь ч зөвиймуу/ заахсан гэж халаглахыг уншаад хүүхдийн хүмүүжилд анхаардаг болсон.
- Энэ Нана, Ганаа хоёр 2 хөгшнийг хөөрхөн идэвхижүүлээд байгааг харжийнуу. Би ч бага байхаасаа л ярьдаггүй, нэг ярихаараа зогсдоггүй хүүхэд байсийм.
-Гоголь,Oscar Wild-ийг уншнаа.
- Аахиа гэдэг Ай хөө гэсэн үг байхаа даа.