Явган аялалд бэлдэв

Өнгөрсөн жил явганаар аялсан ажлынхнаасаа сонссон адал явдал, байгалийн сайхныг бишрэн энэ жилийн наадмаар охин хүү хоёроо дагуулан тэдэнтэй Хагийн хар нуур луу аялахаар шийдлээ. Тэнд зөвхөн нисдэг тэрэгтэй хүмүүс л очдог юм байх. Мөн байгаль, цаг уурын бэрхшээлийг даван туулсан явган аялагчид очдог гэнэ. Өөрөө бэрхшээвч хүүхдүүдийнхээ тэсвэр тэвчээрийг сорих, мөн хүмүүжилд нь нэмэртэй боловуу гэж хамт явахаар ятгасан хэрэг.

... Мод чихаран, мөчир хугарч, газар доргих чимээ гарахаар нь гараад хартал сүглийсэн хар юмнууд нуур луу шууд яваад орчихсон..., шөнө загас барьж байхад үл мэдэгдэх чимээ гарахад хорин хэдтэй залуу нөгөөгийнхөө араар орж нуугдсан..., баавгай тааралдсан бол би тэгэх байлаа... гэсэн яриа, аялалын үед зохиогдсон /төрсөн гэх юмуу/ онигоо ч мөн сонирхолтой санагдана. За тэгээд хөлөө холгосон, могойд хатгуулсан, өлссөн, төөрсөн гээд эрсдэлтэй юм их тохиолддог бололтой. Нөгөө, гурван анчин шиг бас дэгсдүүлсэн ч юм байгаа байх. Үнэхээр тэр нуур луу ордог нүсэр хар юм нь хандгай нуурын гүнд орж замаг идэхээр явж байгаа нь тэр гэнэ. Энэ нууранд ямар нэгэн гол горхи цутгадаггүй бөгөөд түүнийг гүний ундрагатай гэж үздэг юм байна. Байгалийн сайханд аялах, амрахаар аминдаа бараг жил хүлээв. Бэлтгэлээ багаар хангаж, тийшээ аялагчдын тэмдэглэлийг ч сонирхож үзэв.

Аялалд бэлтгэх зүйл: Аялалд зориулсан дулаан хувцас, борооны цув, уутан хөнжил, гудас, гар чийдэн, загасны хэрэгсэл, аялалын багаж, ариун цэврийн хэрэгсэл, цай, давс борц, аяганы хийц. Аа бас үүргэвч, тогоо.

Зургийн эндээс авав. http://buyandelger.blog.banjig.net/post.php?post_id=2542

Чи Монгол эр хүн тул уйлж болохгүй

Эх сурвалж: http://soronzon.blogspot.com/